Айыл өкмөтү сиздер менен кубанычтуу жаңылыкты бөлүшөт – айылыбызга жаңы заманбап комбайн жана ассенизатор машинасы алынып келди!

Бул техника айыл чарба иштерин ыкчам жана сапаттуу жүргүзүүгө чоң өбөлгө түзөт. Учурда күзгү оруп-жыйноо мезгили башталып, жаңы комбайн толук кубатында ишке кирди. Бул айыл чарба жерлерин өз убагында жана натыйжалуу түшүм жыйноого мүмкүндүк берет.

Ассенизатор машинасы болсо айылдын санитардык-экологиялык коопсуздугун жакшыртууга багытталып, коммуналдык кызматтарга чоң жардам көрсөтөт.
Айыл тургундары үчүн бул техника — жөнгө салынган кызмат, ыкчамдык жана сапат дегенди билдирет.

Айыл өкмөтү мындан ары да материалдык-техникалык базаны жакшыртууну уланта берет.