Таш-Коо тилкесиндеги сел суулары ɵтʏʏчʏ сайдын дамбасы даярдалып, суу ташкындарын коопсуз ɵткɵрʏʏ, кооптуу тилкелерди алдын-алуу максатында габион торчолору орнотулуп, таш менен толтуруулду.

Айыл аймагындагы Таш-Коо тилкесине Кыргыз Республикасынын ɵзгɵчɵ кырдаалдар министрлигинин Ысык-Кɵл облусу боюнча башкармалыгынын 2021-жылдын 12-мартындагы №51 буйругу менен Жети-ϴгʏз районуна бɵлʏнʏп берилген 500,0 (беш жʏз) литр дизелдик кʏйʏʏчʏ май жана 225 (эки жʏз жыйырма беш) габион торчолору Жети-ϴгʏз райондук мамлекеттик администрациясынын 2021-жылдын 23-мартындагы №57 жана 2021-жылдын 06-июлундагы №128 тескемелери менен Барскоон айыл аймагына бɵлʏнʏп берилген. Айыл ɵкмɵтʏнʏн бюджетинен 150 000 (жʏз элʏʏ миӊ) сом акча-каражаты бɵлʏнʏп, Таш-Коо тилкесиндеги сел суулары ɵтʏʏчʏ сайдын дамбасы даярдалып, суу ташкындарын коопсуз ɵткɵрʏʏ, кооптуу тилкелерди алдын-алуу максатында габион торчолору орнотулуп, таш менен толтуруу иштери уюштурулуп, аяктады. Жалпы мекеме-ишканаларынын кызматкерлеринин жардамы менен ишембиликтер уюштурулуп, ашар тʏрʏндɵ ишке ашырылды. Габион торчолорун орнотууга жалпы салымын кошкон мекенчил инсандарыбызга Барскоон айыл ɵкмɵтʏнʏн атынан тереӊ ыраазычылык билдиребиз!